Kryeministri Edi Rama ndodhet sot në qytetin e Fierit, nga ku zhvilloi një takim me të rinjtë e këtij qarku.
Gjatë fjalës së tij, kryesocialisti u bëri thirrje të rinjve që vitinë për herë të parë, që më 11 maj të votojnë PS-në, për Shqipërinë në BE.
Sakaq, kryeministri kërkoi dhe angazhimin e tyre jo si socialistë dhe demokratë, por si shqiptarë europianë.
Pjesë nga fjala e Ramës:
Si asnjëherë më parë PS, nuk ka pasur dhe sot ka një skuadër që është më e reja në fletën e votimit dhe këtu në Fier, një vajzë dhe një djalë që vijnë nga radhët tuaja nuk janë në listën e deputetëve, por janë tanimë 2 deputetë të rinisë së qarkut Fier në Kuvend. Asnjëherë më parë PS nuk ka kërkuar, siç e kërkon më 11 maj angazhimin, fuqinë e të rinjve.
Jo si socialistë dhe demokratë, por si shqiptarë europianë, të gjithë së bashku. Cilido që do vijë me ju në 11 maj në kutinë e votimit dhe së bashku me ju do zgjedhë PS, duke e vënë votën në qendër të fletës, do e kujtojë 11 majin si ditën kur dha një dorë me votën për Shqipërinë zonjë në familjen e përbashkët europiane. Vota e 11 majit është më shumë se vota për sot nesër. Ka brenda profecinë e Skënderbeut.
