Kryeministri Edi Rama ka sfiduar kundërshtarët e tij politikë të gjejnë një vend që ka mundur të rindërtojë më shpejt se qeveria e tij pas goditjes nga tërmeti.
Kryeministri tha se aktualisht janë në çadër 683 familje të cilave iu dëmtuan banesa për shkak të tërmetit të 26 nëntorit 2019.
“I sfidoj të gjithë të më tregojnë një vend që ka mundur të rindërtojë më shpejt. Po kaq shpejt unë, por më shpejt le të ma tregojnë ata që thonë u vonuat.
Dhe ndërkohë që ne rindërtojmë nuk kemi lënë asnjë njeri përjashtë. Sot në çadër kemi 683 familje. Sot janë 10 shkolla të reja në Durrës dhe unë i sfidoj të gjithë t’i krahasojnë me shkollat jashtë vendit. Bota na ndihmoi shumë. BE bëri për ne një gjest të rrallë edhe për vetë BE”
Rama u shpreh se do të merren masa për të zgjidhur problemin e përmbytjes së fshatrave të Shijakut nga Lumi Erzen.
Pyetje: Unë jam Lufti Vrioni, banor në Katund të Ri. Sa herë ka shira të dendur ne përmbytemi nga Erzeni. A ka ndonjë plan ta zgjidhi këtë problem një herë e përgjithmonë
Edi Rama: Jam i keq ardhur për atë që ndodhi. Ajo që ka rëndësi ësh të të merreni përgjigje. Unë kam ngarkuar menjëherë kryetarin e Bashkisë që me gjithë stafin të vijë në çdo shtëpi dhe të bëjë një inventar të dëmeve. Besoj e keni parë që kanë ardhur, ju kanë kontaktuar. Angazhimi im është që sapo ne si qeveri të marrim pasqyrën e dëmeve të bëjmë atë që mundemi dhe të kompensojmë dëmet.
Problemi do të zgjidhet me ndërhyrjen që do të bëjmë në atë zonë siç e bëmë në zonë e Fushë-Krujës. Fushë-Kruja mund të kishte qenë katastrofë nëse nuk zgjidhej. Janë shumë gjëra që duhet bërë akoma sepse Shqipëria që ne kemi gjetur në vitin 2013, më vjen shumë mirë që e kanë harruar. E kanë harruar që në Shqipëri nuk kishte më kanale kulluese të pa bllokuara. Punohej gjysma e tokës që punohet sot.
