Kryeministri Rama nuk e përjashton mundësinë se Rusia mund të ushtrojë ndikimin e saj në Shqipëri por ai shton se këtu ka njerëz në media dhe në politikë të cilët do të vepronin siç donte Moska edhe pa ndikimin e saj.
Në një intervistë televizive, kryeministri ka përmendur një fjalor të rëndë për të shigjetuar segmente politke por pa i përmendur konkretisht me emra.
“Në Shqipëri i kemi mjaftueshëm ata që janë shqiptarë dhe që bëjnë si do donte Rusia, pasi nuk nevojë që të thotë ky shtet. Ata s’janë rusofil. S’po them se Rusia ka një axhendë siç bën në vendet e tjera, pasi në Shqipëri kemi nga ata që “Për inat të vjehrrës flenë me mullixhiun”. Nëse e trajtojnë si vjehrrë Shqipërinë për shkak të qeverisë, vetvetiu bëjmë punën e mullixhiut. Kemi njerëz në media, në politikë. I kemi……Nëse do i përkisja këtij konspiracioni rus, ata e bëjnë mirë punën tonë. Se përjashtoj (që ka ndikim rus). Ne i kemi mirë punët e forcave jo miqësore ndaj nesh, më mirë sesa ata vet. Nga inati i vjehrrës janë palluar me mullixhiun dhe pa e pas mullixhiu fare në axhendë këtë punë.”, tha Rama. /Opinion.al
