TIRANE- Kryeministri Edi Rama është kthyer nga vizita private në SHBA. Ai ka shkuar në zonën më të përmbytur aktualisht, atë të Sukthit në Durrës.
Rama informohet nga kreu i emergjencave civile mbi situatën.
Banorët i shprehen kreut të qeverisë se, strukturat e shtetit ndihmuan të prekurit nga përmbytjet. “Ndihma e strukturave erdhi sapo lajmëruam”.
Nga ana e tij, Rama u shpreh se shteti e ka ngritur prej kohësh strukturën dhe se mobilizimi dhe efektiviteti i tyre ka qenë maksimal.
Paralel me Ramën, në Sukth ka qenë dhe kryetari i PD, Lulzim Basha, i cili ndodhej në një zonë tjetër të përmbytur. Kreu i opozitës u shpreh se gjendja në Sukth nuk paraqitet pozitive, por po shkon drejt përkeqësimit.
“Në Sukth ku Erzeni ka dalë nga shtrati duke përmbytur mbi 1200 familje. Niveli i ujit në shume raste mbi 1,5 metër. Gjendja vazhdon të përkeqësohet”, tha Basha.
