Kryeministri Edi Rama iu ka bërë kritika të ashpra disa prej kryebashkiakëve socialistë. Rama tha se nuk do t’ua thotë emrin, pasi ata e dinë vetë për kë flitet.
Sipas kryeministrit disa nga kryebashkiakët nuk bashkëpunojnë dhe po qëndrojnë në krye të detyrës kot për inerci.
“Zgjedhjet vendore janë në prag, partia është garanci edhe për këto zgjedhje. Të gjitha përmirësimet do ti japin PS për ti përballuar me sukses zgjedhjet. Zgjedhjet vendore janë edhe një bilanc që komuniteti do të bëjë për qeverisjen vendore. Për ketë balance s’jam pozitiv. Mesa duke disa kryetar të bashkisë, të të cilët hynë në zgjedhje pa garë dhe u zgjodhën në një ndeshje pa kundërshtarë, kanë vazhduar për inerci të qëndrojnë në krye të bashkive, a thua se kundërshtarët e komunitetin nuk ekzistojnë, a thua se papastërtia nuk ekzistojnë. Një pjesë e konsiderueshme e bashkive kështu. Shqipëria duhet ta mbylli këtë kapitull turpi. Një pjesë e Kryetarët e bashkive nuk janë fare të angazhuar në këtë proces. Është fatkeqësi të shohësh se kërkesës ligjore të ministres, për të ngritur këshillat rinore vendore, deri tani i janë përgjigjur vetëm 44 bashki dhe afati ka kaluar. Nuk dua t’i marrë me emër, por ata e dinë vetë. Po ca do t’i thoni të rinjve dhe të reja kur të vijnë zgjedhjet. Si do t’i dilni përpara? Ashtu si kundër është për të vëne duart në kokë që problemi kryesor i platformës së bashkëqeverisjes janë bashkitë. Nuk e konsiderojnë ata kryetar bashkie që janë bërë problem kronik se çfarë mundësie është të kesh instrumentin e bashkëqeverisjes dhe mos ta përdorësh, të dëgjosh hallet e njerëzve”,-tha ai.
