“Kosova po rrezikon të humbasë shansin historik që po i jep plani franko-gjerman”.
Kështu u shpreh nga foltorja e Parlamentit, kryeministri Edi Rama, në seancën ku do të miratohet rezoluta për Kosovën.
Ndër të tjera në fjalën e tij, kreu i qeverisë shpjegoi kërkesën ndaj KFOR, për të marrë nën kontroll veriun e Kosovës.
“Një turravrap lukunie e etur për sherr, hipokrizi pseudopatrioke. Furia mori kot kur përsërita qëndrimin e njohur. E kam thënë në samitin e NATO-s mbi domosdoshmërinë e marrjes së kontrollit të veriut të Kosovës nga KFOR-i, fokusimi te suksesi i planit franko-gjerman dhe dhënies drejtim të asociacionit me shumicë serbe se është një nyje që nuk duhet mbajtur si litar në këmbë, që e pengon Kosovën në rrugën e saj dhe largon objektivin për t’u bërë pjesë e OKB-së, NATO-s, BE-së. Ajo nyje duhet këputur një orë e më parë nuk duhet shkencë, por vetëm logjikë, për të kuptuar se ai asociacion duke mos u bërë është kthyer në litar, i cili për mendtë e kokës do të vazhdojë të shtrëngojë këmbët e Republikës së Kosovës. Të mos e kuptosh këtë do të thotë të mos duash t’ia dish si duhet hedhur hapi tjetër. Kosova po rrezikon ta humbasë shansin historik që i jep plani franko-gjerman, për të bërë një progres në dialogun me Serbinë prej mosbërjes së atij asociacioni besimin e atyre që e njohën si shtet të pavarur. Duke u bërë fakt i kryer ai asociacion që mistifikohet si të ishte kali i rilindur i Trojës, do të kthehet në litar në këmbët e Beogradit. Nëse bëhet si duhet, Serbia nuk do të lëvizë dot aq lirshëm sa ka lëvizur këto kohë në Bruksel e SHBA”-tha Rama.
