Përmes një postimi në rrjetet sociale, kryeministri Edi Rama ka informuar se janë hapur regjistrimet për Arsimin e Mesëm Profesionale.
Rama informon se nga sot shkollat e mesme të Arsimit Profesional mirëpresin nxënësit e rinj, në mbi 22 Drejtime Profesionale.
“HAPEN REGJISTRIMET NË ARSIM TË MESËM PROFESIONAL, në një kohë kur qeveria ka vënë në lëvizje një plan të ri zhvillimi për arsimin profesional, që nga investimet e reja në infrastrukturën arsimore dhe konviktet për nxënësit e zonave rurale, deri tek partneritetet me shkollat më të mira profesionale në Zvicër, Gjermani e me radhë, me mbështetjen e qeverive të RFGJ, Zvicrës dhe Komisionit Europian
Prej 8 Korrikut shkollat e mesme të Arsimit Profesional në të gjithë vendin mirëpresin nxënësit e rinj, me nje ofertë të larmishme, me mbi 22 Drejtime Profesionale, ku aktualisht studiojnë mbi 16,000 të rinj që kanë zgjedhur arsimin profesional
REGJISTROHU TANI PËRMES e-ALBANIA
Klikoni aftesi.puna.gov.al për të mësuar më shumë dhe për t’u regjistruar sot”,-shkruan Rama./Opinion.al
