Kreu i Partisë Demokratike, Sali Berisha, gjatë fjalës së tij në mbledhjen e kryesisë së partisë ditën e sotme komentoi deklaratën e kryeministrit Rama në Përmet për vendosjen e një tatimi i jashtëzakonshëm për prodhuesit e energjisë.
Berisha tha se me këtë vendim kryeministri Rama tregon që nuk ka njohuritë më elementare rreth kësaj çështjeje, pasi prodhuesit e energjisë duhet të nxjerrin fitimet e investuara në HEC-e. Sipas tij vendosja e tatimit nuk do t’i ndihmonte.
Më tej, kryedemokrati tha se Rama e ka kthyer energjinë në bixhozin më të madh në botë dhe në një mallkim për qytetarët, në një kohë kur në vend prodhohet energji si asnjëherë më parë.
“Tirana futet në 3 vendet me qeratë më të larta në Europë. Se i rrit droga. Situata është shumë e rëndë. A e dini ju se në 8 muaj janë prodhuar 3.74 terravat. 100% nevoja e vendit, por këta hajdutë për të mbushur xhepat shesin me çmimet mesatare dhe i blejnë jashtë burse. E kanë shndërruar energjinë në bixhozin më të madh në botë. E kanë shndërruar energjinë në një mallkim për qytetarët shqiptarë, në një kohë ku këtu prodhohet energji si asnjëherë tjetër. Vetëm vjedhjet monstruoze të klientelës socialiste, të patronazhistëve kanë arritur në 1.1 terravat.Imagjino ku kemi. Në krye të vjedhjeve është qeveria. I ka 280 mln euro borxh entit të qeverisë. Nuk shkohet më kështu. Sot lajmëronte se prodhuesit do ktheheshin tek taksa e të atit, tek taksa e jashtëzakonshme. Injorant, atavist. Prodhuesit e energjisë kanë investuar, dhjetra milionë se kanë fat thotë. Nuk ka njohurinë më elementare. Duhet të nxjerrin investimin njëherë. Njëri me koncepte rudimentare. Fitim mund të kenë ata, por duhet të nxjerrin investimin që kanë bërë në HEC. Të gjithë e dinë se ajo periudhë është jetike. Tani do u kthejë taksat e 46-ës, taksat e jashtëzakonshme. Nesër do takohem me krerët e degëve të Tiranës për të ndarë detyrat dhe të angazhohemi në një veprimtari shumëplanëshe. Nuk shtyhen më protestat”, tha Berisha./Opinion.al
