Kryeministri Edi Rama ndodhet në Amsterdam, ku po zhvillon një bashkëbisedimim në qendrën e mirënjohur “De Balie”, me temë “Cila është e ardhmja e Shqipërisë në Europë?”
Gjatë këtij bashkëbisedimi Rama foli për politikën, të ardhmen europiane, por edhe për pasionin e tij për artin. Ndër të tjera ai është pyetur edhe për marrëdhënien e tij me babanë.
“Babai im ishte komunist, i besonte komunizmit. Ishte një skulptor zyrtar, ishte i angazhuar në shumë vepra arti në hapësirat publike. Kjo ishte gjëja që bënte. Kjo ishte një arsye për të nisur zënkat tona. Kemi pasur një marrëdhënie të fortë, mjaft intensive dhe me shumë tension dhe atij i detyrohem për atë çka jam. Ishte baba liberal, nuk donte të impononte ideologjinë dhe mënyrën e të menduarit të tij”, u përgjigj Rama.
I pyetur nëse ka ndjekur rrugën për shkak të babait, Kryeministri tha: “Ndoshta për shkak të tij unë u rrita në një hapësirë me të gjithë përbërësit por falë tij u bëra edhe e kundërta e tij, sepse lufta e përjetshme babai me djalin, dhe djali me babanë”./Opinion.al
