Kryeministri Edi Rama doli në një konferencë me gazetarët pas takimit me liderët e Ballkanit në Shkup.
Ai ka folur për planin e BE për rritjen ekonomike të vendeve të Ballkanit Perëndimor dhe për darkën me Vuçiç e Kurtin.
“Këtu nuk ka asgjë personale. Është hera e parë që jam në një darkë bashkë me të dy. Nuk më rezulton se ndodhi ndonjë gjë tjetër, veçse u bë një komunikim pozitiv me të gjithëve. Ky format këto kërkesa që ka sot BE, nga të gjithë ne, për të na dhënë mundësinë që të marrim shumë më tepër mbrapsht në aspektin ekonomik, flasin vetë për atë që më ka rënë goja”, tha Rama.
Tirana do të jetë ndalesa e dytë e këtij takimi që u mbajt sot brenda shkurtit. Ndërkohë që pritet të ketë dhe një samit me liderët e rajonit në Tiranë
“Do përgatisim samit në Tiranë për Ukrainën në mbështetje të saj! Do kemi të pranishëm presidentin Zelensky. Në atë hark kohor të kemi takimi tjetër me liderët e rajonit me përfaqësuesit e sotëm. Bilanc të këtij muaji nga sot deri në fund të shkurtit”, tregoi kryeministri.
