Kryeministri, Edi Rama, nga Skrapari ku po zhvillon një takim elektoral për zgjedhjet e 25 prillit ka folur për marrëdhënien me presidentin Ilir Meta. Në përfundim të fjalës së tij, Rama kërkoi një gotë raki për të ngritur një dolli për Metën dhe familjen e tij, teksa theksoi se nuk i do të keqen pasi ka ngrënë bukë me ta.
Kreu i qeverisë gjithashtu theksoi edhe ftesën që i bëri Bashës për bashkëpunim, duke nënvizuar kushtin e tij që të ndahet nga ish-kryeministri Sali Berisha dhe Presidenti, Ilir Meta.
“Sikur të kishim dhe pak raki këtu Nasip, do ishim….por po të kisha një gotë rakie këtu do e ngrija me shumë sinqeritet për shëndetin e Ilir Metës dhe familjen e tij, patjetër, kam ngrenë bukë me ta s’dua ti shoh keq. Pastaj do e ngrija për referendumin e Vlorës dhe votën Skraparit që të jetë një referendum që t’i thotë Ilirit; boll tani dhe zbrit nga maja se na turpërove. Çoni Ilir Metën atje dhe bëjeni çorap. Unë jam gati që të bashkëpunoj me Lulzim Bashën me kusht që të ndahet nga Sali Berisha dhe Ilir Meta. Natyrisht që Basha nuk ndalet. Unë dua që pas 25 prilli të jem kryeministër i të gjithë shqiptarëve. Jo thjesht tek puna, se aty kam qenë. Të jem kryeministër i gjithë shqiptarëve edhe te goja. Do më duhet punë me veten, pasi është me rëndësi që politika mos t’i shqetësojë kaq shumë sa i shqetëson nënat e këtij vendi”, tha Rama./Opinion.al
