Presidenti i vendit Ilir Meta dhe Kryeministri Rama kanë uruar presidentin e zgjedhur të SHBA-së për fitoren në zgjedhje.
Rama e cilëson spektakolare fitoren e Joe Biden, ndërkohë që presidenti Meta shprehet se është në pritje të bashkëpunimit.
“Ishte një privilegj e kënaqësi bashkëpunimi me Presidentin Trump e administratën e tij dhe duke uruar Presidentin e zgjedhur të SHBA Joe Biden për fitoren e tij spektakolare, jam i lumtur të vijoj bashkëpunimin për forcimin e partneritetit strategjik me Shtetet e Bashkuara”, shkruan Rama në tuiter.
Ndërkohë edhe Meta përmes tuiterit përcjell mesazhin e tij:
“Urime Joe Biden dhe Kamala Harris për fitoren në zgjedhjet e vitit 2020. Në pritje për të punuar së bashku me presidentin e zgjedhur Biden për të forcuar lidhjet dhe partneritetin strategjik”./Opinion.al
