TIRANE- Rama udhëtoi në Shkodër dy herë brenda pak ditëve. Dje, teksa bënte anëtarësimet e reja të partisë tha se bashkia duhet të aplikojë për projekte, njësoj si Malësia e Madhe.
Por Voltana Ademi që drejton këtë bashki ka reaguar duke nxjerrë në facebook grafikun e investime, ku rezulton se Shkodra ka marrë vetëm 1 për qind të investime në shkallë vendi.
Kryebashkiakia ka publikuar projektin e ndërtimit të rrjetit të kanalizimeve të ujërave të zeza ne lagjen “Mar Lula”, me vlerë 190.000.000 lekë, që nuk është financuar. Është aplikuar edhe për ndërtimin e qendrës polifunksionale për rajonet e qytetit të Shkodrës pë rshërbime administrative, sociale dhe rekreative me vlerë 53.000.000 lekë. Është aplikuar edhe për rikualifikimin e Sistemimit të Bllokut të Pallateve Parafabrikate në “Xhabije”, me vlere 70.000.000 lekë.
Ka patur një projekt edhe për rikonstruksionin e rrugës “Lugoçesme” me vlerë 45.000.000 lekë. Është aplikuar për rikualifikimin urban të zonës hyrëse të Shkodrës nga rrethrrotullimi i urës së Bahçallekut deri tek Harku i Bërdicës. Bashkia e Shkodrës ka aplikuar edhe për rikonstruksionin e plotë të teatrit “Migjeni”, të lulishtes dhe parkut të teatrit, parkut të Taraboshit dhe të lagjes së Shirokës. Të gjitha këto projekte, sipas kryebashkiakes Voltana Ademi janë dërguar pranë qeverisë, por asnjëri prej tyre nuk është financuar.
