Kryeministri Edi Rama bën vazhdimisht bujë në mediat vendase dhe ato ndërkombëtare për veshjet e tij të guximshme në takimet e nivelit të lartë e veçanërisht për atletet sportive.
Por sot, gjatë vizitës në Budapest të Hunagrisë, ku u takua me homologun Viktor Orban, Rama u shfaq me këpucë serioze të zeza.
Dhe në fund të deklaratës së përbashkët për shtyp, Rama zgjodhi të mbyllte fjalën e tij me një batutë pikërisht për këpucët.
“Zoti kryeministër, i dashur mik, është gjithnjë një kënaqësi shumë e veçantë të jem këtu, më vjen keq që nuk erdhëm me këpucët që kërkon protokolli por kam veshur thjesht disa këpucë të mërzitshme, thjesht të zeza”,-u shpreh ai.
