Kryeministri Edi Rama ka paralajmëruar bashkitë duke thënë se ato që nuk pastrojnë mbetjet nuk përfitojnë asnjë grant nga buxheti i shtetit.
Nga foltorja e Kuvendit ku foli për programin qeverisës, Rama thekson se 1 Qershori i vitit 2022 do të jetë dita që vendi do të “çlirohet” nga qeset plastike.
“Shumica e re qeverisëse duke nisur nga projekt buxheti i viti në vijim do të vendosë një buxhet për bashkitë për pastrimin. Rritja e konsumit, rritja e veprimtarisë ndërtimore nuk mund të shoqërohet me rritjen e papastëritsë. Bashkitë që nuk pastrojnë nuk do përfitojnë asnjë lloj granti të pakushtëzuar nga buxheti i shtetit. Do të hyjë ndalimi i qeseve plastike. Janë kthyer në makth për natyrën tonë. Një Shqipëri e pavarur prej tyre do të jetë e gatshme për të fituar sfidën e të ardhmes”, tha Rama./ Opinion.al
