Kryeministri Edi Rama dhe presidenti francez, Emmanuel Macron janë në një konferencë të përbashkët në Kryeministri.
Rama është shprehur se vendeve të Ballkanit, duhet t’u jepet mundësia e ribashkimit me Europën, por pa rënë në kurthin e traditës së procesit të integrimit.
Më tej, ai u shpreh se kjo duhet të vazhdojë bazuar në meritën e çdo vendi, duke shtuar se “nuk duhet lënë që të bëhet një arsye për një ankth dhe pasiguri në raport me të ardhmen e vendeve tona”.
“Ankthi dhe pasiguria vijnë si rezultat i vështirësisë së brendshme të BE për t’u zgjeruar në rrugën tradicionale”, tha kreu i qeverisë.
“Vizitë për të thelluar më tej marrëdhënien mes Francës dhe Shqipërisë, që kanë njohur një zhvillim të papritur dhe të shumë pritur në vitet e fundit si rezultat i një riangazhimi të Francës në rajon përmes angazhimit të drejtpërdrejtë të presidentit në kërkim të një marrëdhënieje shumë më konkrete dhe produktive për BE dhe Ballkanin Perëndimor, një marrëdhënie që duhet të tejkalojë procesin tradicional të BE dhe që të jetë në gjendje t’u japë vendeve mundësinë e Bashkimit Europian, pa rënë në kurthin traditës së procesit të integrimit që në këndvështrimin tim, por jo vetëm duhet të vazhdojë në meritë, por jo të shndërrohet në ankth dhe pasiguri”, tha Rama./Opinion.al
