Me një gjuhë të thjeshtë e popullore, me batutën dhe ironinë që i përdor sa herë i duhen, Edi Rama është shfaqur në takimet e tij të gjata në qytetin e Vlorës, të cilat për orë të tëra e të zgjatura ka zgjedhur t’i ndajë më ndjekësit në kanalin e tij ERTV.
E ndërsa vlonjatët nuk i kanë kursyer falenderimet më shumë se sa problemet që duhej të ngrinin, në disa fjalime që i ngjasojnë atyre të bashkimeve profesionale, duket se edhe Edi Rama ka ditur t’i afrohet gjuhës së tyre.
Kush ka jetuar komunzimin, do të ndjejë shumë gjuhën e dikurshme të autokritikës, si një rrugë për t’ja mbyllur gojën kujtdo që kundërshton.
E meqë populli nuk ka patur asnjë problem, veç falënderime e vlerësime, i ka mbetur Ramës, që të mos kursehet në kritika, ndaj vetes dhe ndaj qeverisë Rama 1, sikur kjo e fundit të mos kishte asnjë lidhje me qeverinë Rama 2 dhe qe natyrisht i perket te shkuares. Rama flet, sikur te mos ishte aspak pergjegjes per 4 vitet e shkuara te qeverisjes se tij, teksa ka sjellë ndër të tjera edhe problemet e punësimit,kaq të ndjeshme për qytetarët duke sjellë shembujt negativë që sipas tij nuk do të përsëriten.
I tillë ishte edhe shembulli i drejtorit të pantetave, i profilizuar në shitjen e mobiljeve, që detyronte punonjësit që çdo moblije ta blinin në dyqanin e tij. /Opinion.al
