Një 43-vjeçar shqiptar ka humbur jetën në punë në Carpenedolo të Italisë.
I identifikuar si Andi Rexhepi, i riu humbi jetën pasi ra nga çatia e magazinës ku punonte prej 10 muajsh.
43-vjeçari, baba i një vajze 16 vjeçare, po riparonte çatinë e magazinës së dëmtuar nga stuhia e breshërit që përfshiu qytetin.
Tragjedia ka ndodhur mëngjesin e sotëm brenda fabrikës Ghirardi Marmi në Carpenedolo, ku për shkaqe ende të paditura Rexhepi ra nga një lartësi rreth 7 metra.
Ishin kolegët e tij që ngritën alarmin pak para orës 8 të mëngjesit.
Andi Rexhepi është viktima e pestë në zonën e Brescias që nga fillimi i vitit 2024, i cili vdes gjatë punës.
“Një e treta e aksidenteve në kantieret e ndërtimit shkaktohen nga rrëzimet nga lartësitë dhe përqindja e personave të lënduar me origjinë të huaj është më e lartë se mesatarja për sektorët e tjerë: përfaqëson 26% të ankesave dhe 21% të aksidenteve me vdekje”, thuhet në mediat italiane.
