Llogaridhënia përpara votuesve dhe dëgjesa e tyre me përulje është një tipar që duhet të karakterizojë një kryeministër të një vendi demokratik. Megjithatë janë të rralla rastet kur populli dhe kryeministri përballen në rrugë në debate të hapura. Kjo jo vetëm për shkak të kryeministrit por edhe për faj të qytetarëve të cilëve i mungon kurajo sepse ndihen të kërrcënuar nga pushteti që kanë përballë.
Megjithatë, vizita e kryeminstrit të Mbretërisë së Bashkuar, Boris Johnson në Leeds mori shumë vëmendje nga një përballje që ai pati në rrugë me një qytetar. Qyetetari i afrohet Johnsonit, i pa rrethuar nga bodyguardë, dhe i kërkon atij llogari për negociatat me Brukselin.
“Ti po luan lojra me popullin. Të gjithë e dinin këtë që kur u zgjodhe. Cfarë ke për të thënë?” i është drejtuar qytetari Jonson i cili i përgjigjet “mendoj se qytetarët duan që Britania të dalë nga BE”. Por qytetari nuk ja ka lënë me kaq kryeministrit të tij.
“Këtë e dimë të gjithë. Ti duhet të ishe në Bruksel duke negociuar. Ku po i zhvillon negociatat? Ku? Ti je në Morley në Leeds. Ti duhet të ishe në Bruksel duke udhëhequr britanikët në negociatat për të dalë nga BE. Ti po luan lojra” thotë qytetari duke e akuzuar drejtpërdrejtë Johnson. Për më tepër ndiqeni videon e plotë. /Opinion.al
