Kreu i Partisë Demokratike, Sali Berisha ka reaguar lidhur me postimin e kryeministrit Edi Rama në Twitter” ku shkruante se kompania e Mohamed Alabar që do të ndërtojë Portin e Durrësit do të ndërtonte dhe “Manhatanin e Zagrebit”.
Në një postim në rrjetin social “Facebook”, kryedemokrati shkruan se ndryshe nga çfarë deklaron kryeministri, qytetarët e Zagrebit e kanë hedhur në kosh projektin e Manhatanit të Eagle Hill.
Sipas Berishës, Rama është duke mashtruar shqiptarët teksa thotë se Egle Hill do ndërtoj Manhatanin e Zagrebit për të justifikuar megaaferën e vjedhjes së miliarda eurove me projektin e Portit të Durrësit.
“Qytetarët e Zagrebit hedhin në kosh të plehrave projektin e Manhatanit të Eagle Hill! Nderim mbrojtësve të Zagrebit!
Turp Edi Ramës që mashtron shqiptarët duke shkruajtur se Egle Hill do ndërtoj Manhatanin e Zagrebit për të justifikuar megaaferën e vjedhjes së miliarda eurove me Dubaim e tij në Portin e Durrësit .sb”, shkruan Berisha./Opinion.al
