Shumë qytetarë kanë kaluar orë të vështira mbrëmjen e djeshme teksa udhëtonin në Rrugën e Kombit apo në akse të tjera të verilindjes.
Ata kanë postuar foto dhe video ku shihet qartë se bora ka mbuluar rrugët ndërsa nuk shihet asnjë makinë borë-pastruese. “Shikojeni pak gjendjen e Rrugës së Kombit. Si ka mundësi që edhe pse paguajmë 5 euro situata është e njëjtë si më parë, rrugët bllokohen nga dëbora dhe nuk ka fare asnjë ndërhyrje?”, shkruan një qytetar në facebook.
Po për Rrugën e Kombit një tjetër qytetar thotë: “Rruga në mëshiren e gomave të kamionave. Ende me dridhet zemra nga rreshqitja”.
Sakaq, vështirësi në qarkullim ka patur edhe në rrugën që lidh Pukën me Mirditën. “Rreth orës 17.00 në Qafë – Benë qarkullimi i mjeteve ishte thuajse i pamundur”, shkruan një qytetar në rrjetet sociale.
Edhe pse qytetarët e kanë dëshmuar më së miri me foto e video situatën kritike në rrugët e mbulura nga bora dhe ngrica, ARRSH-ja thotë se “situata e qarkullimit në akset kombëtare është nën kontroll, nuk ka pasur bllokim rruge në asnjë moment”. /Opinion.al
Foto 1: Rruga e Kombit, 17 Dhjetor
Foto 2: Rruga Fushe Arrez-Rreshen, 17 dhjetor
*Video nga rruga e Kombit, mbremjen e 17 Dhjetorit
*Njoftimi i ARRSH-se, mengjesin e sotem 18 Dhjetor
