Përmes një video, kryeministri Edi Rama ka sjellë në vëmendje disa përshtypje nga turistët e huaj për qytetin turistik të Durrësit.
Konkretisht në një postim në rrjetet sociale, Rama publikon opinionet e disa turistëve që kanë zgjedhur të vizitojnë Durrësin, të cilët shprehen shumë të kënaqur nga ky qytet.
Turistët vijnë nga vende të ndryshme, ku ka nga ato që vijnë për të disatën herë në vendin tonë, madje kanë sjellë edhe njerëz të tjerë për të vizituar qytetin.
“Ne jemi nga Palm Springs në Kaliforni. Historia e këtij qyteti na duket mahnitëse. Durrësi ka relika të mrekullueshme nga e shkuara. Është një qytet shumë interesant për tu vizituar”, shprehet një turist.
“Jemi nga Bazilikata. Kemi qenë këtu të paktën 3-4 herë. Karakteristikat si deti, vendi, shëtitjet dhe gjithashtu njerëzit mikpritës na akant bërë që të sjellim edhe dy njerëz të tjerë dhe do të rikthehemi me njerëz të tjerë”, thotë një tjetër turist.
“Hera jonë e parë që vijmë këtu. Kemi ardhur dje kështu që nuk kemi vizituar shumë, megjithatë ka shkuar mirë. Njerëzit janë përpjekur të na kuptojnë dhe ndihmojnë. Është shumë bukur dhe ka shumë gjëra për të parë”, thekson një turiste.
