Kreu demokrat Lulzim Basha deklaroi sot se koalicioni i opozitës për zgjedhje të lira parlamentare do të zgjerohet duke prezantuar si kusht për zgjedhje të lira parlamentare krijimin e një qeverie teknike.
I pyetur nga gazetarët nëse ky koalicion përfshin aleancën me Ilir Metën, Basha tha “se qeveria teknike duhet të bëhet me kontributin e të gjitha forcave politike dhe se jemi të hapur për kontributin e të gjitha palëve”.
Por Basha vlerësoi rolin e Ilir Metës për reformën në drejtësi.
“Meta dha shërbim të jashtëzakonshëm ndaj vendit për kalimin me konsensus të reformës. Ai iu dedikua me mish e shpirt konsensusit. Rama bëri manovra politke që përfunduan në koshin e plehrave.Për reformën në drejtësi kam kërkuar konsensus dhe pjesë e meritës është zoti Meta”.
I pyetur për emrin e Kryeministrit të ardhshëm në rastin e një qeverie teknike, Basha tha se “kjo nuk është çështje emrash, është çështje parimesh.”
Por Basha u shpreh sërish i hapur për kontributin e çfo force politke për një qeveri teknike sipas një platforme europiane.
