Lidhur me lajmin e publikuar sot nga Opinion.al, për procedurën që po ndjek qeveria shqiptare për përzgjedhjen e kandidaturave për në Gjykatën Ndërkombëtare të Strasburgut, burime nga Këshilli i Ministrave sqarojnë se përveç raportit “kemi përgatitur edhe një deklaratë për shtyp mbi transparencën e procesit të përzgjedhjes së Gjyqtarit të Strasburgut. Kemi futur në kritere jo vetëm integritetin e figurës ( të gjithë kanë paraqitur vetdeklarimin e dekriminalizimit) por edhe vettingun në kuptimin e deklarimit të pasurisë së cdo kandidati.”
“Sigurisht që vetingun s’mund ta bëjnë ndërkombëtarët qe vijnë në Tirane në Tetor pasi afati është 20 gusht! I është kërkuar me shkrim ILDKP të shprehet mbi ligjshmërinë e pasurisë së deklaruar nga cdo kandidat. Sapo të mbyllet faza finale e përzgjedhjes së tre kandidatëve do të dalë deklarata ne media” .
Qeveria shqiptare shpreh bindjen se asnjëherë nuk është bërë një proces kaq i rregullt, transparent dhe në përputhje të plotë me rekomandimet e Komitetit të Ministrave të Këshillit të Europës.
Deri ditën e sotme ky proçes kaloi tërësisht në heshtje.
Opinion.al publikoi sot paradite debatet e bëra në mbledhjen e qeverisë ku përmendeshin rezerva nga ndonjë ministër për përfshirjen e kandidaturave për në Strasburg në proçesin e vettingut.
