Qeveria amerikane duket se është në prag të një kolapsi. Senati dhe qeveria nuk kanë rënë dakort për projekt-buxhetin dhe kështu pritet që institucionet qeveritare të jenë jashtë funksionit. Dhoma e përfaqësuesve votoi të enjten mbrëma për një shtyrje të fondeve, por kjo gjë nuk u miratua pasi Republikanët dhe demokratët nuk kanë arritur të bien dakort për disa pika, ku një prej tyre edhe çështja e emigracionit.
Vetë presidenti Donald Trump ka anulluar udhëtimin e tij të fundjavës deri në arritjen e një marrëveshjeje mes dy palësh. Trump ka ftuar në Shtëpinë e Bardhë kreun demokrat të senatit Chuck Schumer, për bisedime të mëtejshme. Pas këtij takimi Schumer ka thënë për mediat se ka pasur disa përmirësime në dialog, por ka një numër të madh mosmarrëveshjesh. Senati ka kërkuar ngrirjen e institucioneve, dhe pritet që pas 8 orëve Amerika të ndodhet përpara një kolapsi. Ndërkohë senati ka nisur numërimin mbrapsht deri në ngrirjen e institucioneve, e cila po demonstrohet live për publikun.
Qeveria amerikane ishte pranë një kolapsi të tillë edhe në vitin 2017, por falë dakortësisë mes Senatit dhe qeverisë, kjo gjë nuk ndodhi.
Burimi:BBC
