Kronikë

Qëlloi në drejtim të RENEA-s, gjykata jep vendimin për Josif Kavajën


Bëhu pjesë e Grupit Zyrtar të Opinion.al
>> KËTU <<
               Publikuar në : 18:12 - 28/12/20 |
Doriana Çepunaj

Gjykata e Elbasanit ka dhënë këtë të hënë masën e sigurisë “arrest me burg” për Josif Kavajën, i cili katër ditë më parë qëlloi me armë në drejtim të policisë në Seltë të Elbasanit.

 Më 24 Dhjetor, 45-vjeçari nuk iu bind urdhrit të policisë për t’i kontrolluar banesën në fshatin Seltë të Elbasanit, por qëlloi me breshëri automatiku në drejtim të tyre, dhe më pas është arratisur në pyll, duke refuzuar çdo negociatë për t’u dorëzuar prej më shumë se 4 orësh.

Policia u në ndjekje të 45 vjeçarit dhe pas më shumë se 16 orësh në arrati, arriti të arrestojë 45-vjeçarin mëngjesin e 25 dhjetorit. Gjatë orëve të natës Kavaja ka qëlluar me armë drejt efektivëve të RENEA-s dhe drejt fshatit. Këta të fundit i janë kundërpërgjigjur duke e plagosur 45-vjeçarin me dy plumba, një në bark dhe një në këmbë.

Kavaja akuzohet për tentativë vrasjeje në drejtim të efektivëve të Policisë së Shtetit dhe forcave RENEA, mbajtje të armëve e municioneve etj. Mësohet se gjyqtari i çështjes kërkoi ekzaminim psikik të 45-vjeçarit./Opinion.al

Pas