Një 32-vjeçar është ndaluar nga policia e Korçës pasi ka qëlluar në ajër me pistoletë në lagjen numër 4 të qytetit.
Policia njofton se pas marrjes së njoftimit ka shkuar drejt vendngjarjes ndërsa mësohet se i riu është shoqëruar në komisariatin e Korçës për veprime të mëtejshme proceduriale.
Ai është identifikuar si Fjordi Pane, dhe është një emër i njohur nga policia. Në vitin 2009 ai ishte një nga personat e ndaluar për grabitjen e një taksie dhe dhunën e ushtruar ndaj pronarit të saj.
32-vjeçari i është sekuestruar edhe arma me të cilën ka qëlluar.
Mbeten ende të paqarta arsyet që kanë çuar atë të qëllojë në ajër. /Opinion.al
