Që foshnjet tuaja të rriten shëndetshëm, është e nevojshme të marrin qysh herët vitamina që gjenden vetëm te frutat. Duke qënë se është e pamundur që fëmija të kafshojë a përtypë frutat pa mbushur ende 1 vjeç, zgjidhja ideale është pureja e frutave, ose frutat e grira imët, në trajtën e një mase të lëngshme.
Ja recetat më të zakonshme të puresë së frutave:
Pure mollësh
Përbërësit: 1 apo 1/2 e një molle të vogël (ose të zier).
Përgatitja:
- Pastrojeni mollën, qërrojeni, dhe prejeni në copëza.
- Hidhni në një enë 2-4 lugë me ujë, hidhni copëzat e mollës dhe ziejini deri sa të zbuten (rreth 5-10 minuta).
- Largoni mollën e zier nga ena, dhe futeni në blender, për ta bluar deri sa të merr formën e puresë.
Pure dardhe
Përbërësit: 1 dardhë e pjekur e vogël
Përgatitja:
- Merreni dardhën lajeni, hiqini lëvozhgën, prejeni dhe largoni bërthamën.
- Ziejeni në një tigan me një sasi të vogël të ujit deri sa të zbutet (rreth 5 minuta).
- Bluajeni në blender dhe pureja është e gatshme për foshnjen tuaj.
Pa gluten, pa grurë, pa qumësht dhe pa vezë
Pure me drithëra dhe banane
Përbërësit:
- 1/2 banane e pjekur,
- 1 lugë e vogël oriz për foshnja,
- 1 lugë qumësht të zakonshëm të foshnjes apo ujë.
Përgatitja:
- Hiqni lëvoren e bananes dhe shtypeni bananen derisa të zbutet sikurse pure.
- Përzieni orizin e zier me puren e bananes dhe pastaj shtoni qumështin e zakonshëm të foshnjes (apo ujin nëse e preferoni më shumë).
- Shtoni më shumë oriz apo qumësht/ujë sipas nevojës, për t`ia përshtatur foshnjes suaj. (Mos e ftohni bananen.)
