Policia e Korçës ka arrestuar një 29-vjeçar i cili lëvizte në makinë me një pistoletë me krehër me 7 fishekë.
Sikurse njofton policia, i riu Mateo Aliko, po lëvizte me mjetin e tij tip “Volkswagen Touareg”, dhe pas kuptoi se ishte vënë në ndjekje nga Forcat e Posaçme Operacionale, hodhi në një kosh mbeturinash në lagjen nr. 4, armën e zjarrit pistoletë tip “Glock” me 7 fishekë, e cila u gjet dhe sekuestrua në cilësinë e provës materiale.
Aliko ka precedent të mëparshëm penal në fushën e krimeve kundër pronës e sigurisë publike, ndërsa tani do të përballet me akuzën për “Armëmbajtja pa leje”, për të cilën parashikohet dënimi me burgim deri në 7 vjet./Opinion.al
