Presidenti i Rusisë, Vladimir Putin i ka drejtuar një thirrje ushtrisë ukrainase.
BBC shkruan se i bëri thirrje ushtrisë ukrainase të “marrë pushtetin” në Kiev dhe të largojnë bandën “neo-naziste.
Presidenti rus tha se ai po lufton një “bandë të narkomanëve dhe neo-nazistëve”, duke iu referuar udhëheqjes ukrainase. Ndër të tjera ai u shpreh se me ata do ta ketë më të lehtë të arrijnë një marrëveshje.
“Ata po veprojnë si terroristë në mbarë botën, duke u mbrojtur pas njerëzve në mënyrë që të akuzojnë Rusinë se ka shkaktuar viktima në popullatën paqësore. Dihet me siguri se e gjithë kjo po ndodh me rekomandime të konsulentëve të huaj, mbi të gjitha këshilltarëve amerikanë”-tha Putin.
Më pas ai u drejtohet forcave ukrainase.
“Po ju drejtohem edhe një herë ushtarakëve të forcave të armatosura ukrainase: mos lejoni neo-nazistët dhe banderitët të përdorin fëmijët tuaj, gratë tuaja dhe të moshuarit si mburojë njerëzore. Merrni pushtetin në duart tuaja. Duket se ju dhe ne do ta kemi më të lehtë të arrijmë një marrëveshje sesa me atë bandë të narkomanëve dhe neo-nazistëve në Kiev.”/Opinion.al
Putin tells Ukrainian soldiers to “take power into your own hands” and not to let “drug addicts and neo nationalists use your families as human shields.” Clear that he has lost the plot. And thousands will suffer as a result. pic.twitter.com/jAj9cTT1dC
— Andrew Roth (@Andrew__Roth) February 25, 2022
