Presidenti rus, Vladimir Putin, ka mbërritur në Aeroportin Ndërkombëtar të Pekinit. Në aeroport ai u prit nga ministri kinez i Tregtisë.
Gjatë ditës ai pritet të marrë pjesë në forumin ‘Brez dhe Rrugë’ i organizuar nga lideri kinez Xi-Jingping dhe do të bisedojë me liderët e Vietnamit, Tajlandës, Mongolisë dhe Laosit.
Putin pritet që të takohet edhe me presidentin kinez për bisedime dypalëshe.
Dy liderët pritet të diskutojnë për bashkëpunimin midis Moskës dhe Pekinit në fushën e energjisë dhe teknologjisë.
Ky është udhëtimi i tij i dytë jashtë vendit që kur Gjykata Ndërkombëtare Penale në Hagë lëshoi një urdhër arresti ndaj tij.
