Presidenti i Rusisë, Vladimir Putin foli publikisht për herë të parë që kur u publikua lajmi se një avion që transportonte, kreun e Ëanger, Yevgeny Prigozhin ishte rrëzuar.
Presidenti Putin dha një deklaratë të shkurtër përmes një video-call për samitin në Johanesburg. Ai falënderoi presidentin e Afrikës së Jugut Cyril Ramaphosa për mikpritjen e samitit dhe për zgjerimin e grupit përtej pesë kombeve aktuale.
Putin nuk dha asnjë koment për rrëzimin e avionit në të cilin udhëtonte Prigozhin.
Udhëheqësi mercenar Yevgeny Prigozhin, i cili drejtoi një kryengritje të shkurtër të armatosur kundër ushtrisë ruse më herët gjatë këtij viti, besohet të ketë vdekur të mërkurën kur një avioni me të cilin po udhëtonin 10 veta, u rrëzua në veri të Moskës.
Yevgeny Prigozhin ishte në avion, sipas agjencisë së aviacionit civil të Rusisë.
