Një tjetër kandidat i Lëvizjes Socialiste për Integrim, Vasil Sterjovski nga lista e qarkut të Korçës, ka dorëzuar formularin e vetëdeklarimit në Komisionin Qendror të Zgjedhjeve, duke pranuar marrjen e mandatit.
Ai ka mbajtur postin e Drejtorit të Ujësjellësit në Fshatrat të Korçës, ndërkohë që ka pasur dhe postin e nënkryetarit të Komunës Pustec.
Një ditë më parë, në KQZ dorëzoi formularin e dekriminalizimit edhe Suzana Topi, nga lista emërore e LSI-së në qarkun e Gjirokastrës.
Po të mërkurën KQZ i dha mandatin dy kandidatëve nga lista e PD, Krenar Rryçi dhe Kristaq Papa. Gjatë seancës parlamentare të së mërkurës, ai që surprizoi ishte Indrit Hoxha, kandidat i dalë nga listat e Partisë Demokratike, i cili pasi mori mandatin e deputetit nga Komisioni Qendror i Zgjedhjeve, refuzoi të bëjë betimin në seancë plenare.
E mirëmenduar si lëvizje, pas refuzimit Hoxha i’u bashkua protestës së të rinjve të FRPD-së e LSI-së jashtë Kuvendit./Opinion.al
