Presidenti i Republikës Ilir Meta ka shprehur falenderim dhe mirënjohje për gazetarët.
Në një kohë kur shumica e qytetarëve janë në shtëpi, informacioni është shumë i rëndësishëm. Për këtë gazetarët janë një ndër kategoritë që janë gjithashtu të ekspozuar ndaj rrezikut të koronavirusit në përpjekje për të marrë dhe shpërndarë informacionin.
Në një postim në faqen e tij në Facebook, Presidenti Meta e konsideron heroike dhe atdhetare punën e gazetarëe dhe i falenderon ata për këtë shërbim ndaj publikut.
“Falenderoj me mirënjohje të gjithë gazetarët, në veçanti reporterët e terrenit, operatorët, dhe stafet teknike, që në këto momente të vështira po bëjnë një punë të shkëlqyer heroike dhe atdhetare në shërbim të informimit publik, transparencës dhe mbrojtjes së shëndetit të çdo qytetari në Republikën e Shqipërisë! Mbështetje dhe solidaritet të plotë edhe me familjet e tyre! SË BASHKU PËR TË MBROJTUR SHËNDETIN E ÇDO QYTETARI!”, shkruan Meta. /Opinion.al
