Një vajzë nga Tirana tregon për “Stop” se ka parë në rrjete sociale që ofrohej punë nga shtëpia, për paketim dhe bërje kutish.
Ajo u lidh me faqen dhe komunikimi do të zhvillohej me email për punën nga shtëpia. I thanë, se do të paguhej 900 Dollarë në muaj.
Faqja quhet Audace dhe në rrjet shkruante se kërkon punonjës, që të punojnë nga shtëpia me një shpërblim të mirë.
Vajza tregon, se iu kërkua një pagesë prej 90 eurosh për pajisjen, që do të vinte në shtëpi. Pagesën e bëri. Pas kësaj iu tregua kontrata e punës dhe duhej të bënte edhe një pagesë prej 120 Eurosh për kontratën.
Edhe këtë pagesë e bëri. Në kontratë nuk ka një administrator, apo përfaqësues, por vajzës iu dërgua një kartë e dyshimtë identiteti. E reja vendosi të ndërpresë pagesat, pasi kuptoi, se ishte mashtruar./ Tv Klan
