Johnson & Johnson, me bazë në Shtetet e Bashkuara deklaroi se nuk do të shesë më në SHBA dhe Kanada, pudrën e saj ikonike për foshnja me bazë talku. Kjo do të hyjë menjëherë në fuqi sapo të mbarojnë furnizimet aktuale, pavarësisht se kompania insiston që ky produkt është krejtësisht i sigurt.
Pudra për foshnja me përmbajtje të niseshtes do të shitet si në SHBA, ashtu edhe në Kanada, ndërsa ajo me bazë talku në gjithë pjesën tjetër të botës.
Përmes një deklarate, Johnson & Johnson tha se kërkesa për njërin prej produkteve më të kërkuara me bazë talku që është shitur në SHBA nga viti 1894, ka rënë pas informacioneve dezinformuese për të.
Shumë konsumatorë kanë ngritur padi penale ndaj kompanisë duke pretenduar se produktet e saj me këtë mineral të butë iu kanë shkaktuar kancer.
“Johnson & Johnson vazhdon të ketë besim në sigurinë e pudrës për fëmijë. Studimet shkencore për dekada nga ekspertë mjekësorë në gjithë botën, mbështesin sigurinë e produktit tonë”, është thënë në deklaratë.
Nga ana tjetër, gjiganti përballet me më shumë se 19,000 padi penale nga konsumatorët dhe të mbijetuarit që kanë thënë se në produktet e kësaj kompanie me bazë talku ka pasur asbest, që shkakton kancer./Opinion.al
