Kanë qenë momente të rënda ato që ndodhën në stadiumin “Skënderbeu” të Korçës ku gëzimi është kthyer në ankth.
Menjëherë pas golit të shënuar nga Muzaka në portën e Flamurtarit në minutën e 83-të njëri prej tifozëve është rrëzuar nga tribuna kryesore.
Më vonë u mësua se ai ishte vëllai i lojtarit të Skënderbeut, Tefik Osmani. Me një ambulancë ai është dërguar menjëherë në spital.
Mediat sportive shkruajnë se ai do të shoqërohej me helikopter drejt Tiranës pavarësisht se gjendja e tij ishte përmirësuar. Osmani u zëvendësua menjëherë nga trajneri Daja duke u larguar për në spital.
