“The Econimist” ka publikuar një listë me 10 qytetet në botë ku jetesa është me e shtrenjtë dhe 10 të tjera ku është më e lirë. Janë anketuar 133 qytete në botë për të bërë të mundur krahasimin. Parisi, Singapori dhe Hong Kong-u ndajnë vendin e parë në klasifikimin si qytetet më të shtrenjta në botë. Vitin që kaloi kryeqyteti francez ishte në vendin e dytë të këtij klasifikimi.
Anketat janë realizuar duke krahasuar çmimet e produkteve të përditshme si buka në 133 qytetet. Më pas është përcaktuar nëse çmimet janë rritur apo ulur duke e krahasuar me koston e jetesës në New York si pikë referimi. Sipas autores të këtij anketimi Parisi ka qenë në 10 qytetet më të shtrenjta që në vitin 2003 duke u konsideruar ‘ekstremisht i shtrenjtë’ për të jetuar në të.
Gjithashtu një tjetër krahasim është marrë edhe sa i përket një prerje flokësh tek gratë. Për shembull në Paris një prerje flokësh në parukeri kushton 119.04 dollarë ose 90 euro krahasuar me 73.97 dollarë në Zyrih dhe 53.46 dollarë në Osaka të Japonisë. Qytetet evropiane kanë tendencën të kenë kostot më të larta në mirëmbajtjen e shtëpive, kujdesit personal, argëtimit etj. Qyteti I Parisit është një përfaqësues shumë i mirë i kësaj kategorie
10 qytetet më të shtrenjta në botë për vitin 2019
Singapore (Singapor)
Paris (Francë)
Hong Kong (Kinë)
Zyrih (Zvicër)
Gjenevë (Zvicër)
Osaka (Japoni)
Seoul (Kore e Jugut)
Kopenhagen (Danimarkë)
New York(SHBA)
Tel Aviv (Izrael)
Los Angeles (SHBA)
Ndërkohë anketimi ka prodhuat gjithashtu edhe listën e qyteteve më të varfra në 133 qytete të botës. Sipas “The Economist” inflacioni dhe ndryshimi i shpeshtë i kursit të monedhës kanë çuar në ndryshime në listën e këtij viti duke parë vende si Argjentina, Brazili, Turqia apo Venezuela të ulin kostot e jetesës. Karakasi në Venezuela ku inflacioni arriti 1,000,000% vitin e kaluar ka detyruar qeverinë në hedhjen e një monedhe të re, duke bërë që të jetë qyteti më i lirë në listën e këtij viti. Çmimi i një filxhani kafe në Karakas arrin në 400 bolivar që do të thotë 0.62 dollarë ose 0.50 euro. Në vendin e dytë të kësaj liste është renditur Damasku në Siri. Arsye të tjera që kanë çuar në këtë klasifikim kanë të bëjnë edhe me përçarjet në politikë dhe vështirësive ekonomike.
10 qytetet më të lira në botë për vitin 2019
Karakas (Venezuelë)
Damasku (Siri)
Tashkent (Uzbekistan)
Almaty (Kazakhstan)
Bangalore (India)
Karachi (Pakistan)
Lagos (Nigeria)
Buenos Aires (Argjentina)
Chennai (India)
New Delhi (India) /Xh.K/Opinion.al/
