Analisti Armand Shkullaku ka folur në lidhje me arrestimin e kryetarit të PL, Ilir Meta dhe për hetimet që janë kryer nga SPAK ndaj tij.
Në emisionin “Opinion”, Shkullaku bëri një krahas të dosjes hetimore ndaj Metës dhe dosjes hetimore ndaj ish-deputetit të PS, Jurgis Çyrbja.
Ai thotë se dosja e Metës u publikua në mënyrë të menjëhershme, ndërsa për dosjen e Çyrbes ka një vendim për t’u mos u publikuar.
Analisti thotë se ky vendim është marrë pasi, sipas tij, në dosjen e Çyrbes janë të përfshirë edhe zyrtarë të tjerë të lartë, madje edhe ministra.
“Drejtësia e re ka marrë një vendim. Dosja e intelektualit Çyrbja nuk ka të drejtë të bëhet publike, kurse e Ilir Metës u bë publike pa u bërë dosje akoma. U shpërnda para dy ditësh. Për këtë nuk ka vendim gjykate, që të mbahet top sekret. Aty ku përmenden njerëz, biznesmen, zyrtarë, politikanë, del lirshëm. Atje ku përmenden emra drejtuesish policie, zyrtarë të lartë të shtetit. Pra, Gjykata ka marre vendim vetëm për dosjet e SKY dhe EncoChat. Pse e ka marrë këtë vendim? Sepse te dosja e parë dali prokurore të SPAK-ut, dalin ministra të qeverisë, dalin prokurorë rrethesh, dalin njerëz me pushtet të cilët janë të lidhur dhe punojnë për krimin e organizuar, për zhbllokim pronash, asetesh, për para në këmbim të favoreve etj. Te dosja e Çyrbes thuhet vet në njoftimin e SPAK-ut, që ka zyrtarë të lartë të administratës të cilët akoma nuk i kemi identifikuar, pretendon SPAK-u. Ata dihen se kush janë. Kush e ka informacionin, kush shpallet në kërkim? Dhe sigurisht që nëse duan t’i nxjerrin, i nxjerrin. Kjo është diferenca midis dy dosjeve”-tha Shkullaku./Opinion.al
