Pasi Albin Kurti e refuzojë që ta takojë, kryeministri Edi Rama ka zgjedhur që të japë një intervistë në një media të Kosovës.
Rama thotë se anulimi i mbledhjeve të dy qeverive nuk ka qenë thikë pas shpine, përkundrazi sipas tij është shtrirja e dorës në një situatë ku duhet të kenë me tepër komunikim.
Kreu i qeverisë shqiptare ka folur për tensionet e krijuara në veri të Kosovës, si dhe ka sqaruar pse Shqipëria nuk pati asnjë qëndrim për bandat serbe.
“Ne i nënshkruam të gjitha marrëveshjet, si kishim nënshkruar se nuk bëmë mbledhjen. Çfarë thike është që një mbledhje mes dy qeverish të mos mbahet në kushtet kur ka çështje më të rëndësishme për të diskutuar. Është e kundërta e thikës, është shtrirja e dorës në një situatë ku duam që të flasim më shumë me njëri-tjetrin.”- thotë Rama.
Pyetje: Pse nuk ka mbajtur Shqipëria qëndrim për bandat në veri?
“Shqipëria nuk është një parti politike në Kosovë. Unë s’kam parti politike të regjistruar në Kosovë, madje kur Albini erdhi në Shqipëri për të garuar me një parti në siglën e tij kundër partisë sime, e kam pritur për drekë. Tani ç’lidhje ka kjo Shqipëria nuk ka mbështetur qëndrimin e Kosovës për bandat, ne jemi një shtet, shtet tjetër. Ky është interpretim i shtrembër i një realiteti që nuk ka të bëjë fare me të vërtetën.”- thotë Rama.
