Lowri Moore, vetëm 9 vjeç, mori guximin t’i shkruajë një letër drejtuesit të Disney-t ku i kërkonte që princeshat të mbanin syze. Sipas “Mirror” Lowri ka mbajtur syze që në moshën 1 vjeçare.
Vogëlushja nga Nottingham, tha se fakti që princeshat e Disney-t nuk kanë syze, e ka bërë atë dikur të ndihet jo e bukur mjaftueshëm. Prandaj ajo vendosi të pyesë kompaninë se pse në filmat e tyre, ata që vendosin syze janë të mërzitshëm, peshkopë e të shëmtuar.
“Doja ta shkruaja këtë letër për të bërë një ndryshim. Nuk dua që vajzat e tjera të mendojnë njësoj siç kam menduar unë. Kur isha më e vogël, hiqja syzet që të dukesha si princeshë. Tani jam rritur mjaftueshëm për ta kuptuar se jam e bukur edhe me syze, por më vjen keq për vajzat e tjera që ndoshta ende s’e kanë kuptuar.”- shprehet Lowri.
Lowri po pret që të marrë një përgjigje nga Disney, e mbase më mirë akoma, që kompania të vendosë që të krijojë princesha e personazhe me syze, ndërkaq letra e saj është shpërndarë në rrjete sociale dhe ka marrë mbështetje nga njerëzit./E.M
