“Messi-mania” është duke dhënë rezultatet e para në MLS. Çmimet e biletave për ndeshjen e kësaj të diele ndërmjet Inter Miami dhe Los Angeles FC janë më të shtrenjtat në historinë e një sfide të Major League Soccer.
Sipas TickPick, çmimet mesatare janë rreth 690 dollarë, duke pësuar një rritje prej 527% mbi çmimin mesatar të biletave të një ndeshjeje në MLS, e cila kushtonte 110 dollarë përpara se superylli i futbollit Leo Messi të firmoste për ekipin e David Beckham.
Kur ngelen vetëm dy ditë nga ndeshja, bileta më e lirë për të parë Messin të përballet me fituesit e Kupës së MLS vitin e kaluar do të kushtojë 785 dollarë. Pa Messin, çmimet bien ndjeshëm, me biletën më të lirë për ndeshjen e mëposhtme të LAFC që është 80% më e lirë, duke kushtuar vetëm 151 dollarë, sipas TickPick.
CEO i TickPick, Brett Goldberg i tha CNN se tregu “ka gjasa të stabilizojë çmimet në nivelin e tyre aktual, megjithëse ka potencial për një ndryshim në rritje të çmimit për shkak të kërkesës së shtuar për bileta“.
Plus sipas Goldberg, LAFC është një nga ekipet më të njohura të MLS, kështu që kërkesa është gjithmonë e lartë, ndërsa kemi edhe një nga atletët më të mëdhenj në botë që vjen në qytet.
Paraqitjet e Messit kanë ndikuar rregullisht në çmimet e biletave që kur ai u bashkua me MLS. Për ndeshjen e javës së kaluar, në të cilën Messi bëri debutimin e tij të rregullt, çmimet ishin gati 1000% më të larta se zakonisht.
“Mania e Messit” shtrihet edhe përtej fushës. Apple tha se abonimet në paketën e saj të transmetimit të futbollit janë rritur që kur Messi iu bashkua në korrik. Dhe Adidas tha se kërkesa për fanellën e Messit ka qenë “me të vërtetë e paprecedentë“, duke shkaktuar një ngecje të porosive deri në tetor.
Shitësi me pakicë Soccer.com i tha CNN javën e kaluar se tetë fanellat më të shitura në faqen e saj të internetit janë të lidhura me Messin, duke përfshirë fanellën e tij me ekipin kombëtar të Argjentinës dhe fanellën e re të Inter Miami.
Fanella e Inter Miami tani është fanella më e shitur e klubeve të MLS në të gjitha shtetet e SHBA-së, përveç Vermontit, ndërsa para zbarkimit të Messit ishte fanella më e shitur vetëm në Florida.
