Partia Socialiste ka vendosur të dalë në fushatë dhe të kërkojë votat e qytetarëve duke kujtuar se çfarë bëri PD në ’97 dhe duke akuzuar se demokratët kërkojnë përsëritjen e vitit të errët për shqiptarët.
Sot është zbuluar një pjesë e strategjisë së PS për fushatën elektorale të 2017-ës, ku thuhet ndër të tjera se “PS bën shtet dhe PD rrënon shtetin. PS e do vetingun, PD jo…”
Në këtë strategji kandidatëve për deputet u kërkohet që të shpjegojnë në detaje reformat e ndërmarra nga Qeveria.
Kandidatët duhet të vënë theksin te ajo ç’ka Shqipëria rrezikon në këtë zgjedhje: “Nëse do të ecim përpara me PS-në drejt ndërtimit të shtetit, punësimit dhe mirëqenies apo nëse do të kthehemi pas me PD-në, duke e zhytur vendin në kaos dhe rrënim si në 1997-n”, thuhet në strategji. Ndërkohë nuk përmendet më fjala “Rilindje” slogan që u përdor për të marrë vota në 2013.
*Lexoni disa nga porositë që u janë dhënë kandidatëve për fushatë
