E ndërsa Partia Socialiste deri më tani ka fituar 82 mandate në të Shqipërinë si rezultat i zgjedhjeve të 11 Majit, duket se Partia Demokratike po e proceson të gjithë këtë në heshtje.
Gazetarja Jolldiz Shuaipi, raporton nga selia blu se gjendja aty është mjaft e qetë, e nuk dihet nëse do të ketë ndonjë deklaratë publike nga demokratët.
Ndoshta të zhgënjyer nga rezultati, deri tani kampi opozitar nuk duket të jetë nën “ethe”, e se aktualisht nuk ka ndonjë pritshmëri të madhe nga ana e tyre për diasporën.
“Ngaqë janë shumë të rezervuar edhe në selinë e PD ka shumë qetësi. Nuk ka ndonjë deklaratë për ndonjë dalje të mundshme. Berisha ka mbërritur në PD rreth orës 11.
Për shkak të rezultatit këtu nuk është se ka ndonjë optimizëm të madh apo ethe. Deri tani dy janë emrat që kanë pëlqyeshmërinë më të madhe nga kampi opozitar deri tani. Tabaku kryeson por emri i saj nuk është se përbën ndonjë habi të madhe. Ajo doli nga emrat më e votuar nga primaret e PD.
Demokratët e cilësuan 2025 si viti i diasporës, është po ajo forcë politike që ka bërë denoncimet më të mëdhaja të votës së shqiptarëve që jetojnë jashtë. Ata kanë veçuar procesin e votimit në Greqi, ku kanë drejtuar kërkesa për veçimin e tyre. Demokratët nuk është se kanë ndonjë pritshmëri të madhe nga diaspora”, raporton gazetarja. Tv Klan
