Protesta e djeshme e opozitës pati tensione në momentin që protestuesit shkuan përpara Kuvendit. Bilanci i akteve të dhunës deri tani mendohet të jetë 13 të plagosur mes policisë dhe të plagosurve.
Ish Kryeministri, Sali Berisha ka denoncuar sot përmes Facebook, dhunën e ushtruar ndaj protestuesve nga policia. Berisha ka postuar foto të dy prej të plagosurve dhe shkruan se ata janë qëlluar me qytën e revolverëve nga policë civilë, duke shkaktuar plagë të rënda në kokë e nofull.
Për këto raste plagosjesh Berisha paralajmëron Kryeministrin Rama dhe Ministrin Lleshaj se do të mbajnë përgjegjësi personale.
Postimi i Sali Berishës
“Dhunë kriminale e narkogangsterëve të Edvin Krimit dhe Vasal Kimikut!
Kriminelë të narkopolicisë civile kanë goditur me qytë revolveri dhe shkaktuar plage të rënda në kokë, në hundë, në nofull dhe trup protestuesve paqësor Ymer Çela dhe djalit të tij Erjon Çela.
Duke dënuar me ashpërsinë më të madhe këto akte brutale të gangsterëve të narkoshtetit, i them Edvin Krimit dhe Vasal Kimikut do të mbani personalisht përgjegjësi për këto krime të shëmtuara”. sb /Opinion.al
