Një grup banoresh kanë protestuar ditën e sotme në Laprak kundër një fabrike tullash e cila ndot ambientin ku ata jetojnë.
Mes protestuesve kishe edhe fëmijë të cilët kanë rrëfyer vështirësitë e të jetuarit në këtë zonë, ku këto vështirësi thellohen edhe më tej për shkak të sëmundjeve.
Një 9-vjeçar i cili ishte pjesë e protestës së banorëve në Laprak shprehet se ai mezi mbush mushkëritë me frymë, ndërsa mezi i përmban lotët kur tregon se çfarë ka hequr këto muajt e fundit me shëndetin bashkë me të ëmën.
“Ku do rritemi ne? Do rritemi në një vend ku na hy ajri i pisët në gojë, që të sëmuremi në krejt fëmijët e vegjël. Do rrimë në një vend që të vdesim? Tymi i tyre po na hy në fytin tonë. Para disa muajsh, mezi merrja frymë. Babi me çonte në spitale për të më shëruar. Mamit tim nga stresi i madh, nga tymrat, i dilte gjak nga hundët. Ne duhet të rrinim tek koka e mamit (përlotet). Qaj çdo ditë për të. Çfarë do të bëjmë ne?”-shprehet djali 9-vjeçar.
Banorët e akuzijnë fabrikën e tuallve se ajo nuk po merr asnjë masë dhe po shkakton vetëm sëmundje dhe ndotje. Në pankartat e banorve i bëhet apel qeverisë dhe drejtuesve lokal që të marrin masa për situatën e krijuar në Laprak. Në to shkruhet ; “Zoti Kryeministër, nëse ju do të kishit oxhak ku jetoni, a do ta pranoni. A do ta mbani djalin tuaj Zahon. Unë e kam shtëpinë afër”.
Ndërkohë, mësohet se Inspektorati i Mjedisit e ka gjobitu këtë fabrikë me vlerën 500 mijë lekë të reja për mosplotësimin e kushteve mjedisore e ku njëherazi kërkohet edhe pezullimi i aktivitetit të fabrikës deri në korrigjimin e shkeljeve të konstatuara dhe eliminimin e pasojave. Por kjo e fundit, sipas banorëve, nuk është zbatuar nga kompania./ Opinion.al E.Xh.
