Forcat e sigurisë irakiane kanë hapur zjarr ndaj protestuesve në Bagdad, duke vrarë të paktën pesë persona.
Mijëra njerëz po marrin pjesë në protestat më të mëdha antiqeveritare në dekadat e fundit.
Rreth 12 persona raportohet se u plagosën kur policia qëlloi ndaj protestuesve që po mblidheshin pranë selisë së televizionit shtetëror.
Më herët, protestuesit sulmuan konsullatën iraniane në qytetin e shenjtë shiit të Qerbelasë.
Më shumë se 250 irakianë janë vrarë që nga fillimi i protestave antiqeveritare në muajin tetor.
Protestuesit thonë se kanë dalë rrugë edhe për shkak të papunësisë dhe shërbimeve të dobëta dhe korrupsionit.
