Kolegji Oriel i Universitetit të Oksfordit ka votuar në favor të heqjes së statujës së imperialistit viktorian, Cecil Rhodes, që është pjesë e godinës së kolegjit. Oxfordi do të vendosë një hetim të pavarur për çështjet kryesore rreth statujës dhe Rhodes, pas një fushate të udhëhequr nga studentët që ka nisur katër vjet më parë.
Komisioni që do të merret me hetimin, do të trajtojë çështjen e trashëgimisë së Rodos, si të përmirësojë pjesëmarrjen e pakicave minoritare në universitet dhe sesi mund të angazhohet kolegji në shekullin e XXI ndaj diversitetit.
Mbledhja e organit drejtues të kolegjit Oriel, vjen si pasojë e protestave jashtë kolegjit gjatë dy javëve të fundit. Fushata, që filloi në 2015, por u zvogëlua pasi studentët u diplomuan, u riorganizua nga demonstratat e fundit të lëvizjes Black Lives Matter në të gjithë Mbretërinë e Bashkuar.
Frymëzuar nga protestat studentore në Afrikën e Jugut, qindra studentë të Oksfordit u mblodhën në fushatë për eleminimin e ‘pëlqyeshmërisë’ së Rhodes, figurë e cila mbështeti aparteidin në Afrikën Jugore.
Fushata gjithashtu bëri thirrje që programi universitar të ndryshojë, për të pasqyruar larminë e mendimit përtej stilit perëndimor dhe për një mbështetje më të mirë për studentët dhe pakicat minoritare.
Duke folur në një konferencë për shtyp, Pan Xuhong, zëdhënës dhe nënkryetar i Zyrës së Sigurisë Publike të Pekinit, tha se qyteti kishte miratuar masa ‘vendimtare’ për të kontrolluar njerëzit që largohen nga Pekini dhe për të ndërprerë përhapjen e shpërthimit, por kontrolli i rreptë nuk ka të njëjtin kuptim me mbyllje e qytetit./ Opinion.al
