Ministri i Diasporës, socialisti Pandeli Majko nga foltorja e Parlamentit, tha se mazhoranca po reflekton pas protestës së studentëve.
Ai u shpreh kundër vetingut në politikë dhe iu drejtua opozitës me fjalët: “Ejani të merremi me studentët dhe kërkesat e tyre. Ata nuk janë kundërshtarët tanë. Ata janë shpëtimi ynë. Mesazhin e tyre majta e ka marrë dhe po reflekton. Për arsye ironike partia që u krijua nga studentët sot nuk flet dot gjuhën e tyre”.
Ndërsa për vetingun e politikës që është paraqitur si draft nga PD, ai tha: “Vetingu i politikës po kthehet në një proces ironik i cili merret me shitjen e asgjësë. Pas 6 vitesh në opozitë shqetësimi i së djathtës nuk duhet të ishte “pastërtia administrative” e politikës. Sot Partia Demokratike duhet të menaxhonte masën e njerzve të pakënaqur dhe të diskutonte fitoren e zgjedhjeve”.
/Opinion.al
