Gjatë ditës së djeshme, aktivistët që protestojnë kundër parkut të lojërave tek Liqeni Artificial në Tiranë pretenduan se ndërsa shkuan në komisariat për të denoncuar dhunën që sipas tyre uniformat blu ushtruan ndaj një aktivisteje, u mbajtën të shoqëruar nga policia.
Ky pretendim hidhet edhe sot nga përfaqësues të Partisë Demokratike. Ndriçim Babasi, kryetar i degës së PD-së në njësinë numër 5në kryeqytet, është paraqitur këtë të dielë në ambientet e komisariatit numër 1 për tu pyetur në lidhje me përplasjet mes protestuesve dhe policisë në vendin ku po ndërtohet këndi i lojërave. I shoqëruar edhe nga kryetari i njësisë 9 të PD, Saimir Mulgeci, drejtuesit e djathtë janë duke u mbajtur në ambientet e komisariatit, sipas tyre pa ju asnjë arsye nga policia.
Të shtunën, pati sërish përplasje mes policisë së rendit e bashkiakes me protestuesit të cilët thyen rrethimin ku po kryhen ndërtimet për parkun e lodrave dhe ngritën aty që çadër të madhe ku ata të qëndronin për të ndalur betonizimin që sipas tyre po i bëhet Liqenit. Protestës ju bashkuan edhe përfaqësues të Partisë Demokratike, që si në çdo rast tjetër janë përzënë nga shoqëria civile e cila nuk do që kauza e tyre të politizohen.
